Najoqqutat assigiinngitsut pingasut tunngavigalugit saqqummersitaq suliaavoq.
· Ilinniagaqarsimasut ilinniagaqarnersiuteqartitsivimmi (USF) allattorsimasut
· Danmarks Statistikimi Danmarkimi ilinniagaqarsimasut allattorsimaffiat – HFFU-mik taaneqartartoq
· Naatsorsueqqissaartarfiup katersai
· Naatsorsueqqissaartarfip katersai ilinniagaqarnersiuteqartitsivik avaqqullugu ilinniartut - ”Non-USF”-mik taaneqartartoq
Innuttaasut 17-ileereersimasut Naatsorsueqqissaartarfimmi ilinniarsimaneranik allattugaatigineqanngikkaangata meeqqat atuarfiannik naammassisimasutut nalunaarneqartarput. 1980-ikkunni inuussutissarsiutitut ilinniarsimasut ilinniarsimanermut kisitsisitigut paasissutissanut ilanngunneqanngillat soraarummeernerit, soraarummeernermut allagartat il.il. pigineqannginnerat pississutaalluni. Saqqummersitaq nutaanerpaaq Innuttaasut ilinniarsimanerat tooriarlugu tassaniittoq Periaaseq ammassavat.
Naatsorsueqqissaartarfiup nittartagaatigut www.stat.gl-ikkut paasissutissat ilinniartitaanermut atorneqartut ilaatigut paasissutissat atorneqarnissaanut nalilersuinerit itinerusumik atuarneqarsinnaapput. Filip taaguutigaa: ”Metode til HFUsdata.pdf”.
ISCED2011, ISCED1997 aamma RANG
UNESCO-p ISCED2011-lu pitsaassusissanik aalajangersagaat malillugit Kalaallit Nunaat nunarsuarmi siulliit ilagalugit ilinniarnernik naatsorsuinissamik pilersitsisinnaalerpoq. Ineriartortitsinermi suliaq Kalaallit Nunaanni Naatsorsueqqissaartarfik Ilinniarnermut, Ilageeqarnermut, Piorsarsimanermut Naligiissitaanermullu Pisortaqarfik (IIKNN) suleqatigiinnerisigut piviusunngortinneqarpoq. Assersuussisinnaanissaq pissutigalugu Naatsorsueqqissaartarfiup ilinniarneq pillugu nalunaarsuutit ISCED2011-p pitsaassusissaatut aalajangersagai nutaat malillugit tamanut saqqummiuppai, nutaannginnerulaartoq ISCED1997-p pitsaassusissarititai malillugit taamatullu Kalaallit Nunaanni atorneqartartoq RANG-mik taaguuteqartinneqartoq najuqqutarineqarput.
Saqqummersitami matumani ISCED11-mi immikkoortitaarinerit
atorneqarput.
Taaguutit
Kalaallit
Nunaanni Naatsorsueqqissaartarfik
ilinniarneq pillugu taaguutinik saqqummiivoq, taakkunatigut ajornarunnaarluni, ilinniakkat suut erseqqivis-sumik ilinniakkanut sammisuunersoq imaluunniit ISCED-mut atasuunersut, kiisalu nunatsinni imaluunniit ISCED-mut ilinniakkamut atasuunersoq takuneqarsinnaalerluni.
Taaguutit
Excel atorlugu suliarineqarnikuupput
www.stat.gl–mi
Ilinniartitaaneq iserfigalugu
nassaarineqarsinnaapput. Saqqummersitaq
kingulleq tooruk malittuanillu Periaaseq. Regnearke atsigaavoq: ”Nomenklatur med RANG, ISCED97 , ISCED97 og ISCED11 OKT2014.Xlsx ilanngullugit”.
Taaguutit sumut atasuunerinut
tulleriissaakkanut attuumassusilinnut
aamma imaqarput.